الرئيسية
أحدث الصور
من طرف اميره بنضره خطيره الثلاثاء يونيو 23, 2009 9:43 amالسلام عليكم اخواني واخواتي ,,,,,,
وصباحكم ومسائكم كله سعاده باذن الله,,
موضوعي يمكن تقولوا مكرر او منقول او او ,, بس هالمره قصه حقيقيه,,
(ماراح اتكلم بالفصحى ولا انمق كلامي)
وان شاءالله تفهموا علي,,
بتاريخ 5\10 يعني من تقريبا"اسبوع ونص اتصلت علي صديقتي بالليل وتبكي بشكل يقطع القلب انا من بكاها وربي توقعت احد من عايلتهم مات او صار به شي ,,يافلانه وش السالفه تكلمي ؟؟وهي بس تبكي وقفلت الخط ,,انا ماقدرت اتحمل وضليت اتصل اليييين ماردت ,,ومن ردت وهي تدعي حسبي الله ,,الله ياخذهم,,طول الوقت هذا كلامها
بالاخير قالت لي:
ابوها جلس معاهم ذاك اليوم وقال لها انو في واحد كان بيخطب وقالت له امه فلانه بنت فلان(صديقتي)وسأل عنها خواته و و و ,,وقال لامه بكل وقاحه وسخافه وتخلف:الله يستر عليها بس فلانه بنت نت ودلوعه عذر غبي وسخيف مثل وجهه
طبعن حسبي الله عليه قال ايش؟قال انه يحب لهم الخير والنصح,,راح قال لواحد من اللي يعرفهم والواحد راح لابوها وقال كذا وكذا وكذا ,,
تخيل انت اذا كنت اب و وصلك هالكلام عن بنتك والكلام انقال باستراحه وعند رجال ايش تسوي؟؟؟؟؟؟؟؟؟؟؟
يعني ياسخيف لو صدق قصدك خير ليش ماخذت ابوها على جنب وقلت له ؟والا انثبرت وسترت على بنت الناس؟(مع اني ماني شايفه السبب يستاهل)
المهم:ابوها جنت جنونه وانقلب عليها 180 درجه وحرمها النت وصار يغلط عليها بالكلام ولاحتى يناظرها لاصاروا بنفس الجلسه
,,,
مع انو اقسم بالله العظيم بنت الحلال انا اعرفها من زماااااااااان وربي ماعليها ولاغلط وحتى الماسنجر ماتدخلها الا مع وحده من صديقاتنا وربي انا شفت ايميلها وربي مافيه ولاجنس ذكر
ولاتطلع ولاتروح وخلوقه ومع انو عندهم نت بس ابوها متفتح ومسوي عليهم رقابه وكان مرررره واثق بس غصب هذي سمعة بنته,,
وبالنسبه للدلع اي دلع؟؟الشغاله ماجتهم الا من سنه..والطبخ هي اللي تطبخ,,وبعدين في رجل مايحب البنت الدلوعه؟؟وربي اهبل وتفكيره سخيف ومتحجر
,,,
يعني لو انت انقال لك فلانه بنت نت؟ايش يجي ف بالك؟
طبعن الناس المتفتحه والعاقله بتشوف انه شي طبيعي وعادي دام في رقابه بحدود
لكن اي واحد يدخل حاجات (سوري ع الكلمه)وسخه بيشوف انو كل البنات وسخات!!
بجد شي يرفع الضغط ويقهر,,الى متى هالتخلف؟؟الى متى العقليات المتحجره؟؟الى متى الكلام بالناس؟؟الى متى التعرض للشرف وتبلي الناس؟؟الى متى مراقبة الناس وحب المشاكل؟؟
الى متى الى متى؟؟؟؟؟؟؟؟؟؟؟؟؟؟
اعتذر عن بعض الكلمات بس بجد في ناس تستحقه
احترامي لكل انسان مو بهالعقليه ,, وحسبي الله على كل انسان سبب مشاكل ف بيوت من هالتخلف ..واولهم هالشخص(ماقدرت اقول هالرجل لانه مايمتلك من الرجوله ولاشي )
وصباحكم ومسائكم كله سعاده باذن الله,,
موضوعي يمكن تقولوا مكرر او منقول او او ,, بس هالمره قصه حقيقيه,,
(ماراح اتكلم بالفصحى ولا انمق كلامي)
وان شاءالله تفهموا علي,,
بتاريخ 5\10 يعني من تقريبا"اسبوع ونص اتصلت علي صديقتي بالليل وتبكي بشكل يقطع القلب انا من بكاها وربي توقعت احد من عايلتهم مات او صار به شي ,,يافلانه وش السالفه تكلمي ؟؟وهي بس تبكي وقفلت الخط ,,انا ماقدرت اتحمل وضليت اتصل اليييين ماردت ,,ومن ردت وهي تدعي حسبي الله ,,الله ياخذهم,,طول الوقت هذا كلامها
بالاخير قالت لي:
ابوها جلس معاهم ذاك اليوم وقال لها انو في واحد كان بيخطب وقالت له امه فلانه بنت فلان(صديقتي)وسأل عنها خواته و و و ,,وقال لامه بكل وقاحه وسخافه وتخلف:الله يستر عليها بس فلانه بنت نت ودلوعه عذر غبي وسخيف مثل وجهه
طبعن حسبي الله عليه قال ايش؟قال انه يحب لهم الخير والنصح,,راح قال لواحد من اللي يعرفهم والواحد راح لابوها وقال كذا وكذا وكذا ,,
تخيل انت اذا كنت اب و وصلك هالكلام عن بنتك والكلام انقال باستراحه وعند رجال ايش تسوي؟؟؟؟؟؟؟؟؟؟؟
يعني ياسخيف لو صدق قصدك خير ليش ماخذت ابوها على جنب وقلت له ؟والا انثبرت وسترت على بنت الناس؟(مع اني ماني شايفه السبب يستاهل)
المهم:ابوها جنت جنونه وانقلب عليها 180 درجه وحرمها النت وصار يغلط عليها بالكلام ولاحتى يناظرها لاصاروا بنفس الجلسه
,,,
مع انو اقسم بالله العظيم بنت الحلال انا اعرفها من زماااااااااان وربي ماعليها ولاغلط وحتى الماسنجر ماتدخلها الا مع وحده من صديقاتنا وربي انا شفت ايميلها وربي مافيه ولاجنس ذكر
ولاتطلع ولاتروح وخلوقه ومع انو عندهم نت بس ابوها متفتح ومسوي عليهم رقابه وكان مرررره واثق بس غصب هذي سمعة بنته,,
وبالنسبه للدلع اي دلع؟؟الشغاله ماجتهم الا من سنه..والطبخ هي اللي تطبخ,,وبعدين في رجل مايحب البنت الدلوعه؟؟وربي اهبل وتفكيره سخيف ومتحجر
,,,
يعني لو انت انقال لك فلانه بنت نت؟ايش يجي ف بالك؟
طبعن الناس المتفتحه والعاقله بتشوف انه شي طبيعي وعادي دام في رقابه بحدود
لكن اي واحد يدخل حاجات (سوري ع الكلمه)وسخه بيشوف انو كل البنات وسخات!!
بجد شي يرفع الضغط ويقهر,,الى متى هالتخلف؟؟الى متى العقليات المتحجره؟؟الى متى الكلام بالناس؟؟الى متى التعرض للشرف وتبلي الناس؟؟الى متى مراقبة الناس وحب المشاكل؟؟
الى متى الى متى؟؟؟؟؟؟؟؟؟؟؟؟؟؟
اعتذر عن بعض الكلمات بس بجد في ناس تستحقه
احترامي لكل انسان مو بهالعقليه ,, وحسبي الله على كل انسان سبب مشاكل ف بيوت من هالتخلف ..واولهم هالشخص(ماقدرت اقول هالرجل لانه مايمتلك من الرجوله ولاشي )
