لا ردج الله لا ولا أطـلـب تـرديـن

لا ردج الله لا ولا أطـلـب تـرديـن
ادعي عليـج بعثـرةٍ فـي صلاتـي
عثرة تشلـج مـا بعدهـا تقوميـن
يا للي نقضتي عهودنـا الماضياتِـي
كانت تروح الروح ساعـة تروحيـن
وتعـاف نفسـي شربهـا والمقاتـي
كنتي مناة القلـب والـروح والعيـن
واليـوم عينـج يعلهـا ماتبـاتـي
كنت أحسبج للعهد و الحـب توفيـن
قلتي الغدر بالحب مـا هـو سواتـي
و بان الغدر سمٍ جـرى بالشراييـن
الله عسـى يسقيـج سـم الفعاتـي
كلي سقيتج حـب و اليـوم تنسيـن
تقولين حلـم أيـام و اليـوم فاتـي
و خذتي الهوا لعبه على مـا تحبيـن
إليـن عصفـت بالهـوا عاصفاتـي
و صرتي بشعري فالعـذارى تباهيـن
تقولين أنا شمس العصر في حلاتـي
وبالشعر صورتج خـزام ورياحيـن
واثرج هضاب وشوك مابـه هداتـي
و بالشعر غليتج علـى كـل غاليـن
و أثـرج دنيَّـه تتبعيـن الدنـاتـي
رسمتج سحابة خيـر قطـر تلفيـن
فزت لـج الصحـرا زهـور ونباتـي
رسمتـج مهـاتٍ للجميلـة تقوديـن
و أثرج خـروفٍ ضيعتهـا الرعاتـي
توسلـت لـج علـى حـب عاميـن
عامين لكـن فـي حسابـي مئاتـي
ناديت لكن لـي أبـد مـا تسمعيـن
عمري و روحي و الفكر في شتاتـي
خنتي و بعتي كـل عهـد وأياميـن
ما عاد يفرق بيـن ماضـي و آتـي
و صرتي مثل غيرج برخصٍ تبيعيـن
يا مرخصتنني مابقـى لـج غلاتـي
تحسبيـن انـج بالمهافـات ترقيـن
كيـف الصعـود يكـون للهاوياتـي
والنوق من تخرس فلا يفيد تمريـن
مايفيدها قلـص وضـرب العصاتـي
ومع ناقـة خرسـا تكلفـت سنتيـن
فـلا لانـت بشـده ولا بالهـداتـي
اسبوع فدوامِي و لا ايي غير يوميـن
و يوم أوصل الدار أتصـل و أحاتـي
صبري نفذ و اليوم ثـارت براكيـن
مظلوم أنا و باجـر تحـل دعواتـي
سمعي عسى من بعدها ما تسمعيـن
سمعي دعاء من صار قلبه حصاتـي
عساج عوقٍ منه مـا عـاد تبريـن
عوقٍ تشافـق لـه قلـوب العداتـي
أدعي عسى من ناظرج ما تشوفيـن
و تطحن بج الأيام طحـن الرحاتـي
يالله عسى يحتـار فيـج المداويـن
تبين الممـات و لا يجيـج المماتـي
يالله عسـى كـف الندامـة تعضيـن
تندمين يـوم انـه يفـوت الفواتـي
وتبكين دم يسيل مـن مقلـة العيـن
ويحتار قلبـج مـن عنـاج وتعاتـي
و عسى ما تلاقين منه القلب تهديـن
و إن هو حصل أدعي عساج الشتاتي
يا بلوة اللي وسـط بيتـه تعيشيـن
غافي و حوله شب جمـر الغضاتـي
عسى بعمـرج ساعـة مـا تهنيـن
و تمضي حياتج بين هـم و شقاتـي
يا بنت قلبـي ويـن مثلـه تلاقيـن
قلبٍ عطاج الحـب مـا قـال هاتـي
ييتج وروحـي شلتهـا لـج بكفيـن
وفي التاليه رمـح الخيانـه جزاتـي
يالله عسـاج النـار يـا أم ويهيـن
كلنـا انكشفنـا مـا تفيـد العباتـي
يالله عسى تلبسج جـن و شياطيـن
و تكونين مدعاة الحكي و الشماتـي
والله مانـي منتظـر قلبـج يلـيـن
و المجبـلات أكثـر مـن الفايتاتـي
وماعادتـي اتبـع طعـون المقفيـن
ريـحٍ تشـل طعونـج المقفيـاتـي
يا ليلـةٍ ظلمـة علـى الله تزوليـن
و تأتـى ليالـي سعدنـا مشرقاتـي
ياحيـةٍ رقطـه تـقـود الثعابـيـن
باجـر تحـل ايـامـج المعتمـاتـي
يا ظالمة نفسج تـرا الدهـر يوميـن
يوم النجاة و يوم مـا بـه نجاتـي
بيني و بينج تحكـم أيـام و سنيـن
و انا شاهدي قلبٍ من الغـدر ماتـي
لو كان عذرج في كفـوف الموازيـن
لكـان رِبَـح كـل غـدر البنـاتـي
يـا دمعـة التمسـاح لالا تذرفـيـن
العيـون رغـم دموعهـا كاذباتـي
لا ما عرفتي الحـب لا مـا تحسيـن
وغـدرج تعـدى غدرذيـب الفلاتـي
الذيب يعـوي قبـل يغـدر بمسكيـن
و انتي غدرتي خافقي فـي سباتـي
وانتِ السبب سقتِ على القلب جرحين
غـدر الغـرام و وجـع الذكرياتـي
وانتي السبب واليـوم لا لا تلوميـن
و ان ياج باجر شوفي شلـون ياتـي
والله لكتب و أفضحج فـي دواويـن
و أرزف وأغني يوم خبـر الوفاتـي
و أرسم لأهل العشق قلب و سهميـن
و قصة خيانة مـا روتهـا الرواتـي
و يمين لنشر فوق إسمـج عناويـن
و أشهرج من قاصي اليمن للفراتـي
و من غرب هالدنيا إلى قاصي الصين
ديـوان غـدر فيـه كـل اللغـاتـي
و البادي أظلم سنـة العيـن بالعيـن
و لاَّ فهـذي لا عادتـي ولا صفاتـي
و يا شبه انسانه بـراسِ و رجليـن
أعوذ بالرحمن منـج فـي صلاتـي

يسلموووووووووووووو وتقبل مروري

يسلمك ربي واشكر مرورك الطيب

يسلمو يامشاعر ماشاء الله عن جد مواضيعك جوناااان
تقبل مـــــــــــــــروري