انواع الشباب

1- النوع الازقرتي...
هذا عاد ما عليه كلام الصراحه ازقرتي ...ازقرتي .... مثال عليه اخوي أمسات حضرته شاري عطر
و اليوم القوطي في الزباله خلصه من رشه وحده ... و يوم يتعطر ما يحتاي انعطر الصاله يعطرها Boss
وهو رايح الدوام .... و تشم الريحه من بعد الاف الكيلومترات .. >>> اف ريحته قويه ادوخني <<<



2- النوع المثقف...
هذا عاد طايح طيحه عجيبه في الكتب وأذا سألته شو اسمك؟؟ يرد عليك انا جيلوجي بن كيميائي بن فيزيائي بن احيائي بن جغرافي بن تاريخي آل علمي .. و أذا نبشت في اصل و فصل ها الولد صدقني بتلاقي هذا من احفاد احفاد احفاد احفاد احفاد احفاد احفاد احفاد احفاد احفاد احفاد احفاد ليوناردو دافنشي من امثال ولد خالتي >> ولد السويدي <<
يعرف كل شئ ما شاء الله عليه يحليله يدراسني مرااااااااااات ...

>>>شوف شوف قاعده امدحك <<< ههههههههه



3- النوع البنوتي...
هذا ما رح ارمس عنه ....... ........ و الشباب ادري فيهم




4- النوع المتخلف...
ها النوع اشكالهم >>> حمد لله و شكر <<< لابس لي سلسله ما ادري من وين يايبها ...
مع الشورت و العصامه >>>عاد شورت و عصامه كيف ؟؟؟ ما ادري <<<
و شعرهم ههههههه كشخه تقول صاروووووووووووووخ طاير فووووق وبالصراحه
... متخلفين لدرجه فضيعه أوووونه موضه العصرTo pack أو 50 centصج تخترع منهم أونه عاد يقلدون
>>> أي موضه الله يهديهم بس <<<


5- النوع الحايت....
هذا صباحه و مساه في المول ... وينك يا ولد الحلال ؟؟ في المول ...وينك امس ما بينت ؟؟ في سيتي ....
وينك مختفي ؟؟؟ لا و الله يالس في سينما أطالع فلم انجليزي >>> مع انه ما يفهم انجليزي <<<
وينك يا ريال يالسين في الديوانيه ننطرك ؟؟ السموحه يا ربع انا يالس في الكوفي نت ع شااااااااااات
يعني بالمختصر المفيد ما يلس في البيت و أذا شفته في البيت يا أنه مريض أو أعجوبه من عجائب الدنيا السبع



Songs6- النوع الغنائي ....
حياته كلها أغاني... ( انجليزيه – خليجيه – مصريه – هنديه – عيميه – تركيه – يابانيه - )
المهم يالس يسمع اغنيه أو يالس يغني ....
من امثال ولد اختي يمووووووووووت في الأغاني الخليجيه و خاصه في اغاني اليازيه
>> ما ادري شو الحلو فيها .. هذا رايي فيها و السموحه من معجبيها <<
وانا بعد معاه بس انا على الاغاني ..... و احلى شئ هايل الأثنين
BLUE – HATE ME … THE KILLERS – SAMEBADY TOLD ME


7- النوع الاعيب .... >> مغازلجي<<
هذا خطير >> بنات تمو بعيد عنه << يعرف مليووووووووووون وحده و منظم حياته يوم مع فطوم على المسن و يوم الثاني مع عواش في الشات و ثالث مع حلوم في المول و الرابع مع مريوم على البلوتوث و الخامس و السادس و السابع و و و...... ....... و ما يصدق يشوف بنت في مطعم أو مول أو أي مكان إلا و يتعرف عليها....

>>> ملحوظه ها النووووع ما يزخزنه (( نادر ما يزخونه على حسب علمي )) يعني يتم يلعب و يلعب و يلعب و يلعب و يلعب و يلعب و البنااااات يحليلهم على نياتهم يعتبرونه فارس احلامهم <<<<


Lover 8- النوع المحب ..... >> الرومانسي <<
ها النوع اذا حب يحب من كل قلبه ... لا تستغربون لحظه بعطيكم دليل
في واحد من الاهل من بعيد يعني ما يخصني فيه بس قصته انتشرت وهذا ولي يسلمكم كان يحب وحده و اسمها دوم على شفايفه بس هي خانته ومع هذا يظل يحبها و لا ينطرها بعد اونه يمكن ترد له ... محد يقدر يفهمه الولد مغرم فيها و هذا بعد خطير كلامه اف تقول مولود شاعر..... بس يالله يالله تلقاهم عددهم شويه و شويه ينعدمون من الوجود


9- النوع الهادي.....
اعصابه باااااااااااااااااااااااارده >>> تقول ثلج <<< اذا شفته في المستشفى و سألته... خير شو السالفه؟؟؟ يرد عليك بكل هدوووووووووووووووء لا ماشئ بس الولده توفت .........

>>> خاطري بس اعرف من وين أيب ها البرووود ؟؟؟؟ من ووووووووووووووووين؟؟؟؟؟؟<<<




10- النوع العصبي ...
هذا اذا قلتله شئ يعصب و يتنرفز بسرعه >> مثلي اتنرفز بسرعه و احط في خاطري<<
بس هذا عصبي بدرجه غير طبيعيه و هذا ضغظه دوووووم مرتفعه و عنده السكري
و احلا شئ عنده الخيزرانه .....
>> لا ترمس معاه احسن لك <<



11- النوع المطوع ..
ما شاء الله عليهم ما يخصهم في احد من المسيد إلى البيت و من البيت إلى المسيد....
ومستحيل تلقى ها النوع في عائلتي ... وهونادر في الوجود
>>> الحقوا عليهم عن يختفون بالمره <<<


12- النوع المكانيكي ...
يعرف يصلح كل شئ >> ماشاء الله عليه عن اصكه في عين <<
ان شاء الله تفتحله سياره بكبرها قطعه قطعه .. يركبلك أيها
مــــــــــــــا شاااااااااااااااااء الله عليــــــــــــــــــــــــــه


13- النوع الغجري...
ما يعرف يرمس و لا يسوى شئ مثل الناس >> لو يموت احسن له >> نصيحه <<
و ما يعرف الأصول كلش >>> اوني عاد بنت الأصول <<< ونعم فيني اكيد بنت الأصول


14- النوع الملقوف ... فتاااااااااااااااااااااااان
لازم يعرف كل شئ عله لازم يعرف بيمووووووت اذا ما عرف شو السالفه؟؟؟؟؟؟؟؟؟؟
و تراه محطة الارصاد الجويه + محطة الاخبار ما يصدق يسمع شئ يروح ينشره على خلق الله
>> الولد شغال قناة الجزيره << ....
>>>>> أنا ملقوفه هيه بس مب فتاااااانه <<<<<< الاعتراف بالحق فضيله ... اوووونه عاد جريئه



15- النوع المحب لنفسه ...
يحب عمره و مصلحته و ما يفكر في شئ إلا و يحط مصلحته في المرتبه الاولى و هذا فالح في حياته
مع انه ما عنده ربع لان كلهم يكروهونه .... بس يحليله يحس بالوحده يبا حد يكون معاه .... >>> يغمضني <<<




16- النوع الخقاق .....
>> مثلي هههههه << شايف عمره خقااااااااااااااااااااااااااق بمعني الكلمه
شوفوا سيارتي اخر استايل نازل في سوق ... و مبايلي شفتوا رقمي عجيب و و و و ...............
يصدع الواحد ... و مشيته عجيبه الي يقول واحد معضل يتمشى بس هو مب معضل شئ اكيد ههههههه
لحظه لحظه نسيت النظاره الشمسيه اف اف يا ويل حالي .... خطيره



ها انت اي نوع ؟؟؟؟؟؟
و السموحه اللى نوعه مب موجود هذا اللى طلع من راسي بعد ما عصرته ......
لا تنسون تقولون رايكم في االموضوع ...ابا اشوف رايكم في مخيخي ... هههههههه خطير صح؟؟!





منقول للامانه

يسلمووووووووووووووووووووووا يديك العافيه


ممكن اعرف انا ايش من نواع


هههههههههههههههههههههه


تقبلي مروري

يسلمو
تقبلي مروري