شعـر الدنيا ماتسوى

ياعمري الدنيا ماتسوى تنام وخاطرك زعلان
ولا به شي يستاهل يخلي قلبك يعاني

طلبتك كان لي خاطر تبعد عنك الأحزان
فديت عيونك الحلوة تبسم لو على شاني

حبيبي صار لي مدة أشوفك تايه وحيرآن
وانا والله لاشفتك حزين تزود أحزاني

انا احبك ولاودي تعيش بدنيتك ندمان
ترا الأيام محسوبه وتالي ذا العمر فاني

تصدق بسمتك والله تفرح خاطري الولهان
يطير من الفرح قلبي وأصير بعالم ثاني

ولامن شفتك بضيقه أحس اني انا الغلطان
أعاتب نفسي بنفسي ولو ماكنت انا الجاني

غلاك بداخل عروقي ولا يوصل غلاك إنسان
يمر الوقت ويثبت لك غلاك إن الله احياني

بضحي بعمري لعيونك تنام انت وأنا سهران
وأنادي جروحك لقلبي وتجي واحد ورى الثاني..




>>>جـــــــــــــــــــــريـــــــــــــــــح الـــــــــــــــــــــحـــــــــــــب<<<
[center]

يسلمووووووو يالغالي شعر من جد في قمة الروعه
تقبل مرور اسيرة الحب