الرئيسية
أحدث الصور
من طرف احساس شاعر السبت سبتمبر 12, 2009 12:53 pm
حبيت اكتب لكم هاذي في الغه المصريه (مشاكل البنات) !!!! اى بنت هتمسك اى مجله وتقرا فيها كلمه مشاكلالبنات هيدفعها فضولها انها تعرف : هما فهمنى؟ طب عارفين مشاكلى؟
عارفين انا بخاف من ايه ؟ عارفين انا عايشه ليه؟ طب هما مين ؟خلاص
اشوف هما كاتبين ايه عنى؟يمكن يحلو واحده من مشاكلى!!!!! انا اول
مافكرت وقولت مشاكل بنات ,اقعدت افكر اكتب عن ايه ممكن يهم اى بنت
مش الفئه القليله من البنات؟ قولت انا هسال نفسى يمكن تجاوبنى والاقى
حاجه اكتب فيها ,لقتنى بقول لنفسى ,انا بكتب عن مشاكل البنات ,يعنى
مش مشاكلى انا بس!!!,لازم اعرف الاغلبيه بتفكر فى ايه؟ قولت خلاص انا
لما اروح الجامعه والكليه بتاعتى هسال البنات ايه هى مشاكلهم,تعرفو لقيت
مشاكل كتير طلعت والاغلبيه قالولى مينفعشى تقولى مشاكل بنات بس
فى العصر ده لان مشاكلنا احنا والاولاد (الجنس الاخر)بقت واحده,قولتلهم
صح ومظبوط ,بس اكيد فى لينا لوحدنا بس مشاكل الاغلبيه اجتمعت على
انى اتكلم عن مشكله مهمه اوى مضايقه بنات كتير وليها ابعاد دينيه
وسياسيه واجتماعيه واخلاقيه جامده اوى ممكن تدخلنا فى متاهات الحياه
فقلت لنفسى خلاص نحاول نتكلم فيها يمكن نقدر نحل مشكله من مشكلات
العصر ولا خلينا صرحه نحاول على الاقل نوجه الضوء عليها ونكشف بعض
جوانبها ونظهر الجزء الخافى تكيد هتسؤلو نفسكم دلوقتى ايه هى المشكله
دى اوك هقولكم متستعجلوش, المشكله دى هى مشكله المعاكسات
هتقولولى ياااااااااه هى دى بقى المشكله هقولكم استنو متستهونوش بيها
لازم تدخلو معايا الاول فيها عشان تعرفو حد يقدر يقولى انه ماتعكسشى قبل
كده!!!!!!!!! اسنحاله,سواء كنتى غير محجبه اوحتى محجبه اوحتى مخمرة
منقبه اكيد اتعاكستى اكيد هتستغربو منقبه وتتعاكس ,استنو شويه انا لسه
مادخلتش فى الموضوع اسمعونى وانتم تعرفو بصو بقى احنا هنا نتكلم ع
المكشوف يعنى هنقول بصراحه اللى بيحصل واللى هيزعل يزعل ,انا هفتح
الموضوع بكل صراحه تعالو معايا ندخل دنيا المعاكسات الاسئله الجايه انا
سئلتها لاصحابى وبنات فى الكليه وهعرض عليكم ارائهم بكل صراحه
مستعدين يالا بينا اولا مين السبب فى اللمعاكسات هل هى الفتاه ام
الشاب؟ تتقوعو قالو ايه هقول 90%قالو البنت هى السبب و10%بس قالو
الشاب لعلمكم ان اغلب النسبه اللى قالت ان البنات هى السبب الرئيسى
اللى بيدفع اى شاب للمعاكسه هما البنات نفسهم طب ماتيجو نعرف هما
قالو كده ليه يمكن نستفيد ونقدر نوصل للاسباب اللى بتدفع اى شاب انه
يعاكس البنت من غير مانخلى طرف واحد ملاك والتانى ابليس كان راى
الشباب انهم قالو اى بنت خارجه من بيتها ومش لابسه محترم وبكامل زينتها
تستاهل ان اى حد يعاكسها هى خارجه كده ليه ااكيد بعضكم دلوقتى هيتنرفز
ويقول يعنى نخرج مبهدلين عشان مانتعكسشى ؟لا مفيش حد قال كده كل
الحكايه ان انتى مثلا خارجه راحه الكليه بلاش المكياج الاوفر عادى حطى
لمسات خفيفه وكمان انتى نسيتى انك راحه الجامعه يعنى............ يعنى
المفروض انتى راحه لطلب العلم مش راحه تختارى عريس فعادى اخرجى من
غير مكياج وبلبس عادى مش ملفت طب ماتيجو نتكلم عن الموضوع ده
بموضوعيه اكتر ونوضح الاسباب والمبررات للمشكله دى اولا*انعدام الهدف
والقدوه عند كل من البنات والشباب والسبب فى ده ان الشباب اليومين دول
من كلا الجنسين مغيبين زهنيا فى ظل التطورات والظروف الاقتصاديه
والسياسه اللى بتحصل فى الوطن العربى اليومين دول, الجو اللى مليان
صراع دينى وطائفى , البنات مش عارفه تعمل ايه تخرج بكامل الزينه ولا
تتحجب وتلبس معقول وهل لو عملو ده فى ظل ازمه العنوسه المرتفعه فى
الوطن العربى ممكن يكون قدامهم فرصه فى الحصول على عريس ملائم
البنات دلوقتى من كتر ياسها نسيت فكره فارس الاحلام اللى بيجى ينقذها
ويخطفها على حصانه الابيض ويطير بيها على عش الحب السعيد عش
الحب؟مين دلوقتى بتدور على مجرد عش لا دلوقتى البنات بتدور على واحد
يامن ليها مستقبلها عشان تضمن لولادها فى ظل الظروف اللى مايعلم بيها
الا ربنا اليومين دول حياه كريمه مستقره وهما معزورين طب شوفو البنات
بتعمل ايه بسبب الظروف الاقتصاديه ايه بقى حال الشاب المسكين اللى
مطلوب منه يفتح بيت ويعول اسره كامله يعمل ايه مضطر انه يطلع كبته فى
المعاكسه كانه بيقول لكل بنت خارجه من بيتها بلبس مستفز لذوكوريته
ارحمونا بقى مش كفايه الهموم اللى علينا مش عارفين نتجوز ولا نجيب
شقه ولا شبكه وانتم خرجين لينا كده بتحسرونا على نفسنا اكتر فعشان كده
بيعكسوهم وفى شباب تانين مبسوطين يعنى (مريشين) بلغه عصرنا ده
وبيعكسو طب ليه هقولكم برده لانعدام الهدف والقدوه والغفله عن الاحوال
المحيطه وكثره استخام وسائل الاعلام والنت اللى بيخليهم يشوفو اللى
المفروض ميشوفهوش فبيولد كبت عندهم فيعملو ايه قولولى لما يشوفو بنت
لبسه لبس مش محترم او حتى شبه محترم اقل رده فعل ليهم انهم
يعاكسوها ويضايقوها يمكن تحن طب ليه وانتى ليه تعرضى نفسك لكل ده
طيب ماتصونى نفسك من البدايه الكلام ده ياجماعه لاى بنت عربيه محترمه
مش لازم يكون لفئه معينه او ديانه معينه الاخلاق مبدء لا بتجزء يجماعه
الغفله الدينيه الى احنا بقينا فيها ليها دور اساسى وفعال وكبير ,دلوقتى مجرد
ذكر الدين بيخوف طب ليه مع انه الاساس دلوقتى باى حد ملتزم باصول الدين
امريكا سمتهولنا ارهابى فيقوم البنات والشباب يقولو طب ليه مش ناقصين
مشاكل مش لازم نعرف ايه الدين ده اكيد طالما كل اللى بتعمق فيه بقى
ارهابى فبلاش نعرف اصوله فعشان كده نسيو القدوة والهدف الشباب نسيه
ان قدوتهم هو محمد عليه افضل الصلاه والسلام النبى الذى كان اكتر الرجال
استحيائا على وجه اللارض مين دلوقتى يقولى انه شاف بنت او ولد بقى
عنده حياء قليق اوى ياشباب ويبنات انا مش نفسى يكون دمى تقيل عليكم
كل اللى بتمناه اننا نرجع لدينا مهما كان دينا ايه سواء كنت مسيحى او
مسيحيه مسلم او مسلمه ارجعو تانى لاصول دينكم هتعرفو ايه الحق حاولو
تلاقو قدوه وهدف متفتكروش ان كل الكلام اللى قولته ده منفصل عن موضوع
المشكله وهى المعاكسه بل بالعكس هو مرتبط اقوى ارتباط بالمشكله لانه
سبهها لاننا لوبكل بساطه رجعنا لدينا ولقينا هدفنا وطموحنا وحلمنا وكل
واحد عرف هو بيدور على ايه مش هيسمح لاى حد انه يعمل لعقله تغييب
دينى او سياسى او اعلامى مش هيسمح لوسائل الاعلام انها تاثر على
تفكيرة وتدفعه لطريق هيندم بعد لما بمشى فيه وانتم يابنات متنسوش ان
انتم العزه والكرامه انتم اتخلقتو عشان الراجل هو اللى يجرى وراكم مش انتم
اللى تحاولو تخليهم يجرو وراكم بالعافيه حافظى على عزتك واعرفى انك اكرم
بكتير من انك نخرجى من بيتك لمجرد البحث عن عريس حطى لنفسك هدف
وامشى عليه اعرفى طريقك واعرفى دينك وبعدين قررى وفى النهايه يارب مايكونشى دمى بقى تقبل
